سؤالي للجميع .. هل تؤمن بهذا الحب ؟؟ ولماذا

قصة حب رائعة:-
لي صديق قديم جدا وهو مثل اخي حدثني مرة وقالي لي اني احب بنت جميلة جدا فسألته هل تعرفت عليها بالصدفة او في مكان ما فضحك واجاب.حبيبي سرمد هذه البنت لم ارها في حياتي وحتى هذه اللحظة لم ارها فقلت له كيف تعرف عليها وحبيتها بهذه السرعة فقال لي ..تعرفت عليها عن طريق صديقتها وهي بنت عمي فرايت صورتها وقلت لها ان تعرفني عليها وهكذا مضى على حبنا سنة ونصف ولم ارها ولم تراني فقط بالصورفسوف يخطبها قريبا اليست قصة رائعة ..ارجو منكم ان تكتبو لي ردودكم الحلوة عن هذه القصة

تحياتي
سرمد نوئيل

قصة حب اكيد حلوة بس اني ما اومن بهيج حب وانشالله ياربي الله يسعده من كل قلبي اتمنى هل شي

حلوة القصة

جميلة جدا القصة بس يا اخ هدير ليش متأمن بهيج حب ؟؟ الحب مو هو لازم يومية تشوف حبيبتك وتتقابلون بمكانات وهل اشياء الروتينية العادية وال اني اعتبر 80% منها فاشلة .. الحب حتى لو بنية مشايفها بحياتك بس قلبك مال الها وشعورك اتجاها غير شعور عن من تشوف بنية عادية او تحجي ويا بنية عادية ,وحبيتها من كل قلبك وهي اكيد نفس الشعور والله لو 200 سنة محد يشوف ال لاخ هم ينجح وينجمعون تحت سقف واحد وتربطهم علاقة الزواج.. بلنسبة الى القصة يا اخ سرمد هي بلفعل قصة غريبة ولكن اني اؤمن بهيج حب وياربي الله يوفقهم ويتزوجون ومن هسه كدام الكل عليا فلوس الكيك هههههه

اني راي وية راىء اخوية العزيز فادي لان صدك الحب نادر بهل الايام اي اكيد اومن بهيج حـــــــــــــــــــــــــــــــــــــــــــــب

حلوة القصة ياسرمد تسلم اني اؤمن بهيجي حب

بشرفك لا شايفها ولا حاجي وياها والله ما اعرف شكلك
(شلون حب هذا)
بالتوفيق ان شاء الله
بس اني ما اومن بهيج حب

اخواني ال اعترظوا على هذا الحب .. انتو متعلمين انه الحب لازم البنية تشوف الولد اذا مو كل يوم كل اسبوع مرة او مرتين وبطرق غريبة عجيبة بس صدكوا 60% من المشاكل التصير بل علاقة هي من ورا اشكد ما تشوفها وتشوفك واكولكم ليش تصير مشاكل اول شي اذا فد يوم جنتوا بفد حفلة او لقاء او اي شي وشفتها جاي تتشاقة ويا غيرك انت تصير نار وتتعاركون واذا فد يوم ركصت ويا فلان كرايبها او ابن عمها او اي شي انت تظل اسبوع متحجي وياها واذا جانت كعدتها معاجبتك نفس الشي واذا جان لبسها معاجبك نفس الشي واذا ... الخ .. بينما اذا كنتوا واحد ميشوف ال لاخ صح تصير هاي الاشياء بس متصير مشاكل ولا تصير كره بين المحبين .. وثانية اني بعتقادي اذا تشوف حبيبتك يومية ولمدة سنتين كاملة ترة يصير بيك ملل منها وال يعارضني مع احترامي هو غلطان لان ميصير بيك ذيج اللهفة الها وعلمود تشوفها بين ما انت مشايفها تشتاقلها اكثر وتحبها اكثر وتموت وبس تريد تشوفها والعلاقة كلش حلوة تكون .. صدكوني هذا بس توظيح لل اشخاص ال عارظوا هذا الحب

اشكركم على ردودكم الجميلة
تحياتي
سرمد

اني ما اومن بهيج حب

اني ماأومن بهيجي حب لان لازم الحبيبين يتشافون حتى لو مو يومية لان اعتقد التليفون والنت مو كافي حتى يتعارفون بشكل مباشر ومااعتقد ينشأ حب اذا واحد مشايف الثاني00تحياتي

هو موشرط اكو على هل صريقه الحب تكون حلوه

اني امن بهيج حب
لان الحب اعمى
تحياتي رنوود