نكات عراقيه ضخمه

محشش كامش الدجاجه ويضرب بيها ويگول: كل يوم بيض!! ماكو فد يوم جبن.. گيمر..؟

·محشش رجع للبيت متأخر ..مرته فتحتله الباب.. ضربها وگاللها وين ليهسه متأخره ؟

·محشش يسوق تكسي .. أشّرتله بنيه ..وگف گال : وين تروحين؟ گالت: للشورجه گاللها: اوكي بس لتتأخرين.

·محشش دخل محل گال لأبو المحل:عندك جگاير روثمن؟ گال له :لا.. راح للمحل اللي بصفـّه گال له: طيب وإنته؟

·حشاش ضرب صديقه راشدي فگال له: لك هذا صدگ لو شقه؟.. قال : لا صدگ.. گال إي عبالي.. لإن أني ما أتحمل الشقه.

·طفل گال لمعلمته: تدرين ست شگد أني أحبچ..وبلكي أتزوجچ؟ فالمعلمه گالت :أي بس أني ما أحب الجهال.. رد عليها الطفل: مو مشكله ست .. ما راح نسوي جهال.

·حشاش يحچي ويّه روحه:مدري مواعد وحده الساعه ثنين؟.. مدري مواعد ثنين الساعه وحده؟

·حشاش گال لصاحبه:من أحشش بعد ما أعرف أشتغل.. لذلك بطلت..گال له صاحبه:أها...يعني حضرتك هسه عاطل عن العمل؟

·حشاش مثقف گال لصاحبه:قل لي ماذا تقرأ..أقل لك من أنت...فگال صاحبه: ماذا تقرأ؟..فرد عليه الأول: من أنت؟

·حشاش سأل أبو المخضر:عندك فاصوليه خضره؟ گال :لا والله خلصت گال.لعد شضل عندك يالون؟

·قزم راد ينتحر چيّت من الرصيف.

·قزم عطس ..طخ راسه بالگاع ومات.

· غبي بنه بيت مدوّر وگال لمرته:هم گولي بعد حابسني بين أربع حيطان؟

·ثنين اغبياء يلعبون شطرنج.. الاول گال:هييييه.. كتلتك الحصان.. الثاني طلع شويه ورجع گال:وأني سممتلك الهوايش كلهن.

·محشش راح للمطار يستقبل أبوه باس الجنطه وشال أبوه.

·محشش عوّز ..دز إبنه يجيب عوازه..أبنه انكمش بالطريق وأنحكم عشر سنين ..من طلع من السجن رجع للبيت تلگاه أبوه بالباب گال له: إبن الكلب وين صارلك ساعه ؟هوّه براس الشارع.

·محشش بطياره نايم گال له اللي يمّه :يمعود الطياره راح تطيح..!! گال: وشنو يعني طيارة اللي خلفونا؟

·متدين في قمّة الأدب يدگ باب الثلاجه قبل لايفتحها.

·مات المتدين هذا.. فبالجنه حصل بيتين گام باع واحد وأجر واحد وسكن عد گرايبه بالنار.

·محشش يسوق سياره ..وگفه شرطي المرور گال له إجازتك؟..گال أي حشيش هذا اللي تحچي عنّه.

·واحد راح يسرق بيت وحده سمينه حيل ..مسكته وگعدت عليه وگالت لابنها: يمه محمود خابرلنا الشرطه..الحرامي من يمه گام يصيح:عفيه بسرعه يا محموووووووود.

·دجاجة وديچ شافوا محل شاورمه دجاج.. گاللهه الديچ: شوفي!!.... هذا مصير اللي ماتسمع كلام زوجها.

·دجاجه إنتحرت وكتبت على ورقه:خلّي( ماجي) ينفعكم..!!

·طلي مغمّض ويصيح. ماع.. ماع.. گالوله ليش تغمض؟ گال حافظهه عالغيب.

·زمال راد يغازل صاحبته گاللهه: شوكت تتزوجيني يازماله؟ گالتله:من تحسّن ألفاظك يا زمال!!

·هايشه وگفت گدام المرايه وگالت:والله حرام كل هذا الجمال وياخذه ثور.

·واحد متعاجز حيل..راح للحلاق وگعد على الكرسي منزّل راسه.. گله الحلاق: شعر لو لحيه؟ گال:لا لحيه..گلله:طيب شيل راسك شويه..گال:لعد سويهه شعر.

·غبي يم صاحبته دگ عليه الموبايل ..طلعت مرته.. گال عجيب شمدريهه أني هنا؟
·غبي گال لصاحبي :بالله شوف ألاشاره مال السياره تشتغل؟ فگال له صاحبه:إي..لا..إي..لا..إي..لا............ .

·قشمر دعم أثنين بسيارته واحد مات والثاني متكسر.. گام المتكسر يصيح.. گال له القشمر شبيك تصيّح أشو هذاك مات وكلشي ما گال.

·اغبياء ثنين مساجين خططوا يقتلون الحارس ويهربون راحوا شافو الحارس ماموجود رجعوا گالوا: خربت الخطه

·بعد فتره من نجاح الاعلان كتب:ملاحظه.. المحل يفتح ليلاً ونهاراً فقط.

·غبي عنده أرق ميگدر ينام گالوله عِد للميه تنام .. وصل للخمسين نعّس.. گال: اگوم اغسل وجهي وأكمّل للميّه.

·غبي أتصل بالأطفاء گاللهم:شنو إذا ماكو حريق منشوفكم يعني؟؟

·غبي راد يتعرف عله بنيّه گاللهه:شسمچ؟ گالت:أسماء.. گال: أها..يعني مو إسم محدد؟؟

·قروي شاف المصلحه أم طابقين ببغداد واگفه..داخ.. گال ياساتر اشلون حادث رهيب..شصعّدهه وحده عاللُخ ؟

·غبي عرس بالسر حط كاسيت فارغ بالمسجل.

·واحد من المدعوين عجبه الشريط طلب منه نسخه مسجله.

·جيرانهم دگ الباب حيل منزعج گاللهم :يأ أخوان نريد اننام متنصون الصوت مال المسجل شويه.

·غبي أشتره علچ ..صار الليل وهوه يعلچ..گالوله نام..گال: بالحرام.. ما أنام إلا أخلصه.

·غبي گال لجماعته: والله الخدمات بالسعوديه للحجاج حيل محترمه وأنصحكم من تريدون تحجّون لا تروحون غير للسعوديه.

·غبي اشتره تكسي.. بالشارع يصيحون عليه تكسي تكسي.. گاللهم عمي ادري والله ادري.

·غبيه قرت بجواز رجلهه مكتوب( رجل اعمال) گالت سواهه الكلب واتزوج عليه.

·لبناني يحج بمكه ..عطس گال له السعودي يرحمكم الله فرد عليه اللبناني: حبيب ألبي.

·خبيث من الناصريه طب لبيت يبوگ مالگه شي..خابر رقم بأمريكا وخله السماعه مرفوعه للصبح.

·صرصر خبيث عزم جماعته عالعشه يمّه..أول ما إجوا..سحب السيفون عليهم.

·غبي فتح باب السياره يريد ينزل شاف المطر قوي..سدهه ونزل من الباب الثانيه.

·غبي گال لأبوه: بويه أريد (كيري).. قال له أبوه: والله ماتاخذ غير بت عمك..قال له: بويه كيري جبنه..قال أبوه: وبت عمك گيمر يبويه.

·بخيل تزوج راح شهر العسل بوحده.

·محشش ديسوق دعم اللي گدامه..نزل ذاك گال له: شنو..چنك ماشايفني؟ گال: والله شايفك.. بس ما أتذكر وين.

·أحول إتزوج عله مرته...طلعت هيه نفسهه.

·حشاش راح يشتري حشيشه..شاف الشرطه بالشارع..ذب الفلوس وأنهزم.

·غبي انسرقت سيارته..ركض وراهه ورجع گال:هم زين أخذت رقمهه .

·غبي گالوله شنو أصعب موقف بحياتك؟..گال من ازين لحيتي وأني أعلچ.

·غبي راح لطبيب عيون گالّه: دكتور من أغمض بعد مأ أشوف.

·غبي ماشايف سياره خمسه گير..أشتره وحده گال: شنو فائدته الخامس..گالوله من تريدهه تطير بدل خامس..وره فتره ديمشي شاف حادث بنص الطريق..گال: أيه..إجه وكتك يالخامس.

·غبي يسأل نفسه:منو الأطول..الزرافه لو النمر أسرع؟

·غبي هدتله صاحبته ببغاء..وره فتره خابرته وسألته:شلونه الببغاء؟..گللهه:عادي مثل طعم الدجاج.

·حشاش عطس ...صاحبه گح..گلله ليش تغير الموضوع؟

·غبي معزوم بعيد راس السنة من خلصت الحفله گللهم:ياجماعه عود باجر راس السنة عليّه.

·غبي خطب بنيه..گله ابوهه: مو البنيه هسه تدرس..گال: زين أروح فد ساعه وأرجع؟

·واحد من خبيث عينوه مدير شرطه غير رقم النجده من 109 الى 940984356743653429860

·بزون محشش گال: والله نسيت...هيّه ميو لو إييو.

·محششين ثنين قلدوا سيارة النجده..واحد يصيح: ويو وييو وييو.. والثاني يصيح:أحمر أزرگ...أحمر أزرگ...أحمر أزرگ..

·كريم سكن يم ترفك لايت..كلما يوج أحمر يذبح ذبيحه للسيارات الواگفه.

·غبي ضيع أمه بالسوگ..سأل واحد گلله: ماشفت مريه تمشي وما وياهه واحد يشبهني؟

·غبي گل لأبوه: أني رايح انتحر..گلله: أوكي بس لتتأخر.

·طلي ديذبحوه وهوه خربان من الضحك..گالوله ليش؟..گال السچينه بالمگلوبي.

نكات عراقيه ضخمه Qqu95710