قصيدة حلوة

من طرف وسام فيليب الثلاثاء أبريل 29, 2008 3:15 pm

أبشرك مامتت ذاك انه الاول ذاك
كلب المات بسمك ينحيي ابغيرك
بعد طبعي نهر ماافرغ أمن الماي
نهر شيهمني طبرني ابنواعيرك
ولو بعدك دمع لوصرت تغرك سيل
وبعده اعلى الجلد اثار اظافيرك
وبعد ه الى الدرب اثارجدمك ذيچ
لمن شفت جثتي اتصد تعابيرك
بعد دمي اعلى چفك مانشف لليوم
وبعده اعلى الضهر سچين تطبيرك
وبعدك نفسك انت وماتغيربيك
بعده الى الضلع تنبت بساميرك
شجره وچنت الك افييك وكت الكيض
وعلى راسي اشكثر لعبت عصافيرك
من لاحك برد ماهمني طاري الموت
خت نفسي سحل نار التنانيرك
ومو بس وحدي طايح من طحت عالكاع
من طايح چنت حاضن تصاويرك
ومو صوچ الكبر من غطه شعري الشيب
شيب الشعر خطيته ابطباشيرك
وصح وجهك كتاب ونظرتك عنوان
اذا كلك عكس معكوس تفسيرك
خليلك كلب ترجعله وكت الضيج
وين اتروح لمن وكتك ايديرك.