سحب اعضاء المنتدى

مبروك مره اخرى للاخ وعد الذي تم افتتاح موقع منتدى جديده له والذي يحمل اسمه العظيم منتدى وعد كوم حسننا يااخ وعد انتا اذا فتحت منتدى جديد بااسمك وطبعا هذا من حقك طيب ليش باقي بلمنتدى لحد الان وانتا مشرف بيه هل هوه لسحب اعضاء منتدى مارتوما الرسول لمنتداك العظيم ولكي يكون فيه اعضاء جدد او تريد ان تعمل اصدامات مع اعضاء المنتدى لكي ينسحبون الاعضاء من المنتدى والباقي ينسحبون اليك كما هو وارد الان ياخ وعد كفاك ظلم في هذا المنتدى واسحب يديك منه والافضل ان تنسحب من قائمه المشرفين لابل من المنتدى اساسا وكفاك ترسل موقع منتداك الجديد لااعضاء المنتدى الام منتدى مارتوما واوعدك يااخ وعد اذا خرجت من منتدانا منتدى مارتوما سوف يكون هذا المنتدى من اجمل واقوى المنتديات مثل ماكان من اول ماافتتح قبل ماتدخل انتا فيه وتصير فيه مشرف فيااخ وعد اخرج من النتدى وخلي غيرك يعنل ويشتغل واني اتكلم موبااسمي فقط بل بااسم مجموعه من الاعضاء علمود لاتكول ديحجي بااسمه ...مع تحياتي واشواقي وشكرا

اولا يا اخ نصير نظل طول عمرنا نتعارك ؟ مو احنا كبار
ثانيا الاخ وعد و مشكور عل جهودة الطيبة الي فتح النا موقع يكون بيه ناس تقدر المواضيع و المشاركات و الادارة زيارتها يومية يعني مو مثل ادارة هذا المنتدى الجليلة الي صارت اشهر ما داخلة للمنتدى و اكيد هم اعزاء علينا و نحترم ظروف الي يمرون بيها يعني اكو منتدى من المنتديات بلا راعي ؟؟؟
و الاعضاء الي بيه يجرون طول و جماعة يجرون عرض ؟؟؟فيا اخ نصير مع احترامي الك و انت اكبر مني و اكيد معزتك يمي كبيرة
بس تصرفك مو تصرف عقلاني قبل فترة سويت مشكلة وياه و بعدها عاندت وياه بترحيب الاخت سراب و و و ... كثير شغلات صارت من اهمال الادارة للاعضاء
يا اخ نصير شكد شفنة منك شكاوي كافي عاد كبرو ليش تظل هيج
و اني اشجع الاخ وعد لطول صبرة و انه ما جاي يرد عليك علمود المسالة لا تكبر
و مع الاسف اكو بعض الاعضاء جاي يصيدون بالمي العكر و يسوون هواي مشاكل بين بقية الاعضاء بس شنو نكول غير رحمة الله والديكم و جازاكم الله الف خير
و بدل يا اخ نصير ما تكتب شكاوي اكتب مواضيع مفيدة تساهم بارجاع المنتدى الى افضل حالاتة و ليش لا يمكن نفكر انو نخليك انت المدير بدل الادارة المشغولة دائما
و وين صارو اعضائنا الرواد امثال عمار البغدادي و فادي التلسقوفي و نوار الساهر
و كثير كثير راحت من ورا المشاكل التي لا تعد و لا تحصى
كلها راحت لغير منتديات مو بس لمنتدى وعد كوم مثل ما يكول الاخ نصير الي ما اعرف من وين يحجي و يا اخ نصير ليش ما تسوي منتدى خاص بيك و تسحب الاعضاء من منتدى وعد كوم ؟؟؟ و الله خوش فكرة اساعدك بتطبيقها و علي اسويلك اعلان بكل مكان
و وين الاعضاء الي جاي تحجي باسمهم يا اخ نصير اشو محد فتح حلكة و كال هذا العضو هيج و هيج بس انت !!!
كلمة اخيرة اكول للي هو طرف بهذا الموضوع انو لازم تكبرون عقلكم
و بس
و اني اسف لان طولت عليكم
شكرا الكم و اتمنى ان يرجع المنتدى احسن من قبل

اول شي اني احترم رائيك على كل اللي حجيته....واقدر ايضا انه الاخ وعد هوه على مااعتقد اخوك وهذا الشي من حقك انه تدافع عن اخوك ....واني بلنسبه اللي ماعندي اي شي ويا الاخ وعد ...وبلنسبه تكول مشكور للاخ وعد فتحنا هذا المنتدى علمود يشوف اللي يقدر الواضيع والمشاركات مو مثل الاداره الجليله ...الاداره الجليله اللي كاعد تحجي عنها ياخ سنايبر انتا واخوك وعد هيه اللي اسست هذا المنتدى وهيه اللي خلتكم هسه تسون منتدى وتخلون اعضاء من وراها
...على كلن اني افتكرتك اكبر من هيج وما كبرت عقلك من حجيت مع الاسف طبعا.....وانا بلنسبه الي تكول اي اعضاء اللي تحجي بلنيابه عنهم اشو ماكو واحد حجا هيج او هيج حبيبي يعني هلكد تحب المشاكل انه تزيد بلمنتدى والاعضاء مايدخلون اصلا لاانه يعرفون المشاكل اللي بيه....وانتا تكول وين صارو الاعضاء الرواد اعتقد هذا السؤال تسئله لااخوك وعد اللي همه هسه ديشاركون بلمنتدى ماله...وبلنسبه تكول انخليك انتا مسؤل المنتدى حبيبي انتا لو اريد قبل ما تصير عضو بلمنتدى انتا واخوك وعد كان اني صرت مشرف ...وعلى موضوع المشاركات اللي تكول عليها بدل ما ترد سويلك موضوع حبيبي انتا اشلون انسوي مواضيع واحنا اساسا ما حالين مشكله المنتدى والدليل الاعضاء اللي كاعدين بس يدخلون ويطلعون ويشفونمشكله المنتدى انحلت او لا...واعتقد انه يعرفون المشكله من وين ....واني اوعدك انه مدير المنتدى الاخ ايفان راح يحل المشكله كلها ...واني نصيحه مني لازم تكبرون عقلكم واللي يحس بنفسه ديضر المنتى لازم يطلع منه ويروح للمنتدى اللي هوه مسويه بدل ما يسوي اعلان بهذا المنتدى ...وشكرا