(بعد ما ريد فيزة )

قصيدة عتب عراقية للعرب جميعا بعنوان

(بعد ما ريد فيزة )

القصيدة لشاعر عراقي

بعد ما ريد فيزه ولا لجوء إنساني
عمت عين ألاقامه الدنست صـــــيتي

واشكر كل صديق وكل خوي وكل جار
قــــفل بابه ورفض يـــــقبل عراقيتي

خلف الله عليكم والوكــــــــــت دولاب
لا بد يوم يـــــــــــنزل بيكم أرضيتي

لان أول أمس كل البشر خــــــــــدام
جانوا للـــــــــــــــعراق وأكلوا أبيتي

جان الضيف عندي مكرم ومهــــيوب
فوگ الرأس أشيله وهاي تربيتي

ما داعي اسولف وانه أبو النــــهرين
ياهو الــما سمع أخبار حنيتي

بعد بصــــــمات ئديهم والطبع موجود
من جانوا جياع بوســط صيـــــنيتي

يـــــا د نــيه حرام ومــنكر ومــــكروه
إذا ابــــن الــــــعراق الــــيوم وطيتي

معقولة نسيتي اسم الـــعراق بساع
لــــــو مثل الــــبشر همّن تناسيتي

مــيفيد ألحچي ولا تـــنفع إلچـلـمات
راجـع يـا وطـن لـترابــك الزيـــــتي

راجـــع يــا حـبـيبة گــلبي يــا بغداد
وأدرى بكـــثر ما ونـــيت ونيـــتي

وادري لوحّدج عفناج صار سنين
وأدرى من الحزن تابوت سويتي

جيب الاغتراب وحـــطه بالـــتابوت
يا غربه الـــــــــــعراق شكثر أذيتي

ما أعيش ابّحر مالح طـــعم يا ناس
انه بسجن الـــــفرات وفقط حريتي

وترابي ذهـــب والگأع من ياقــوت
ومن ثوب ألكرامه البسهه ببريتي

وإذا گالوا لترجع والوضع مو زين
اگول أني الوضع والزين تاليــــتي

وميهمني بعد ليصير خلي يصير
طعم الموت اشرف من هجر بيتي

أموت بوسط خوتي ويا حلاه الموت
من اجمع أهلنه واكتب وصيتي

وصيتي لو متت لتچفنوني چفان
لفوني بعلمنة وهاي أمنيتي

وإذا تردون إليّه بهالگبر ارتاح
أمانة الله دفنوا وياي جنسيتي
أمانة الله دفنوا وياي جنسيتي