قصة شاب يروي كيف نظف البيتونة مال بيتهم

من طرف عمار البغدادي السبت يوليو 05, 2008 1:56 pm

شلونكم شباب وبنات
قصة شاب يروي كيف نظف البيتونة للضايجين فقط
في صباح هذا اليوم قعدتو من الصبح لاقلم الاشجار وارش الحديقة
فقالت لي امي ..... يا غلام...... يابني ....... يا ادريانو
وانا لم اسمع صوتها الحنين
ثم ابتسمت امي وقالت
يا طركاعة ...... يا مسودن ....... يا مصخم
فسمعت صوتها لانها شتمتني
فقالت: اين انت وانا ادور عليك في الصباح الباكر
فقلت اني هنا امام عينيك يا اماه
فقالت لي .. اصعد للبيتونة ونظفهة ترة ما اسويلك حلاوة
فقلت ... يمة سويلي حلاوة وراح اصعد اللمعهة للبقج
جان اصعد للبيتونة ... ظليت صافن عليهة
وجان شكد انقهر.....!!!!
اتذكرت ايامنة القديمة من جنة صغار
بشرفي شلون لكيت بلوز القديم جنت البسة بلمتوسطة
لونة جوزي ابو الركبة وكلة صوف وبي دبابة دتضرب العدو
ولكيت بنطروني الكتان بي كسرات مال فريد الاطرش
طبعا لزمتة بيدي جان يكح البنطرون
ولكيت وجه مال مخدة مرسوم عليه طاووس
ومكتوب عليه صباح الخير
جان اشوف بزونة ....!!!
وكتلهة متعوفين البيتونة مالتنة مو اتزوجتي بيهة ستالاف مرة
لكم بشرفي خلفت اثنا عشر بزون ذكر وانثى
وهية بعدهي حليوة ردت اصعدلهة خاص
وضليت اكلب بلغراض لكيت صوبة علاء الدين
فوك الحديدة مالتهة اكو صخام
هاي قبل من جنت اشتري كاكو اموعة عل الصوبة
ولكيت سترة ابوية شلون سترة عبالك دوشك نفرين
بيهة جيب اطول من اقسام الحشاشة
وبلاخير لكيت ورقة ...!!!
شلتهة من الكاع طلع منهة طن نمل
فتحتهة!!
انصدمت!!
,
,
,
,
,
,
,
,
,
,
شباب كولش انصدمت!!
,
,
,
,
,
,
,
,
,
,
حيل انصدمت!!
,
,
,
,
,
,
,
,
,
فد نوب انصدمت!!
,
,
,
,
,
,
,
,
,
,
لكيت بيهة مكتوب!!
ايها الصاعد للبيتونة ... اقدم لك نفسي ... انا تيتو قائد النمل في بيوتكم
لا تنظف المكان رجاءا ... لاننا مخزنين تمن وجاي ... والنبي سليمان موصي علينة
اني خفت الصراحة... جان انزل عيني بلكاع بكل هدوء
,
,
,
,
,
,
جان يشوفني القائد وكلي شبيك انجر بوشك؟؟!
نظف براحتك بس شغلنة المولدة لان ام اجرين بلي ستيشن2 .. هههههههههههههه

تحياتي
عمار البغدادي