بدايــــــــــــة الحــب الجديد

انت عينك على شفتي
واني عيني عله الشفايف

واني كول عضامي ترجف
انت خايف وانه خايف

شلون هسه منهو يحجي
منهو يبدي بل السوالف

انته لواني دخيلك
مو همت وكليبي تالف

ادري بعيونك تحبني
وكلبي لعيونك موالف

بس تعال ليحجي كلمه
بلا خجل وبلا مخاوف

ما خجلت بيوم مره
وبلحجي شايف وعايف

وياما ياما لساني غازل
وسكت ياما مضايف

وهسه اريد احجيلي كلمه
مرتبك جسمي يتراجف

وانته شو هم مثلي ترجف
وبالعرك شو مثلي طايف

شصار بينه شمر علينه
شكثر مرينه بمواقف

وما خجلنه وما رجفنه
وما نبوك العين طارف

جنهه مو كلمت احبك
جن جبل بلساني واكف

ورد اكولك شنهي هيه
كلمه لو جرم ومخالف

شو احبك حيل احبك
كافي عركانين وندور مناشف

كافي عركانين وندور مناشف